لو عاوز شئ بشدة

لو عاوز شئ بشدة إياك تطلق سراحه
في حاجات ياما بغبائنا قولنا نسيبهم ف راحوا
بستغرب ع اللي جرب و اللي مرضيش يقرب
طب في عصفور بيهرب يرجع و يخون براحه ؟؟ !!!

أنا عمري ما برمي حاجة و ألقاها في خط سيري
و عمري ما جاتلي حاجة إلا اللي رماها غيري
لو عاوز شئ بشدة إعمل حواليه قوسين
خلي عيونك تحاوطه لو حتي يروح لفين
خليك فاهم يا صاحبي الحلو بييجي مرة
و مفيش في الدنيا فرصة تتكرر مرتين

#عمرو_حسن